Dalili za Presha Ya Kupanda: Mambo 3 Muhimu ya Kuzingatia

Dalili za presha ya kupanda ni zipi? Hili ni swali ambalo nimekuwa nikiulizwa kila siku. 

Dalili za presha zimegawanyika katika makundi kulingana na ukubwa na madhara ya presha yaliyotokea kwenye mwili.

Endelea kusoma makala haya yanayokufahamisha dalili zote muhimu, nini cha kufanya na namna ya kubaini kwa uhakika kama una presha. Nimekuandikia pia mambo 3 muhimu kuhusu dalili za presha ya kupanda.

Jambo #1: Dalili Kuu ya Presha ni KUTOKUWA na Dalili

Hili ndilo jambo la kwanza na la muhimu zaidi. Watu wengi husubiri kujisikia vibaya (kama kuumwa kichwa) ndipo wakapime presha. Ukweli ni kwamba, presha yako inaweza kuwa juu sana huku ukiendelea na shughuli zako kama kawaida.

Kutokuwepo kwa dalili mahususi ndiyo sababu kubwa inafanya ugonjwa huu kuwa hatari. Husababisha madhara taratibu bila wewe kujua.

Presha ya kupanda (high blood pressure) mara nyingi huitwa “muuaji wa kimya kimya.” Kwanini? Kwa sababu watu wengi wanaweza kuwa nayo kwa miaka mingi bila kuonyesha dalili yoyote dhahiri.

Jambo #2: Dalili ya Mtu Mwenye Presha ya Kupanda Hutofautiana Kulingana na Kiwango cha Presha

Ingawa wengi hawana dalili, presha inapopanda sana, mwili huanza kuonyesha ishara. Ni muhimu kutofautisha kati ya dalili za kawaida na dalili za dharura.

A. Dalili za Mtu Mwenye Presha Iliyopanda Kidogo (Mild)

Hapa, presha iko juu ya kawaida lakini bado haijafikia kiwango hatari. Dalili zake huwa ni:

• Kuumwa kichwa (mara nyingi sehemu ya nyuma ya kichwa)
• Kujisikia kizunguzungu
• Kuchoka haraka na bila sababu maalum
• Wakati mwingine, kichefuchefu kidogo

B. Dalili za Tahadhari (Hypertension Urgency)

Hapa presha iko juu sana (k.m., 180/110 au zaidi) lakini bado haijaleta madhara ya moja kwa moja kwenye viungo (organs). Dalili huwa kali zaidi:

• Maumivu makali sana ya kichwa
• Kupumua kwa shida
• Wasiwasi na kuchanganyikiwa
• Damu kutoka puani (mara chache)

C. Dalili za Hatari za Presha (Hypertension Emergency)

Dalili HATARI za presha zinahitaji msaada wa hospitali mara moja! Hapa presha iko juu sana na imeanza kusababisha madhara kwenye viungo kama ubongo, moyo, au figo.

• Maumivu makali ya kifua (yanaweza kuashiria shambulio la moyo)
• Kupumua kwa shida sana 
• Kupoteza fahamu au kuchanganyikiwa
• Upande mmoja wa mwili kupooza, kusema kwa shida, au uso kwenda upande. Hii inaweza kuashiria kiharusi
• Kupungua kwa uwezo wa kuona ghafla

• Fahamu huduma ya kwanza kwa presha iliyopanda

Jambo #3: Dalili Hizi za Presha Huashiria Madhara Yameshakuwa Makubwa (Complications)

Wakati mwingine, dalili unazoziona si za presha yenyewe, bali ni za madhara ambayo presha imeshasababisha mwilini mwako baada ya kuiacha bila matibabu kwa muda mrefu.

• Moyo Kushindwa Kufanya Kazi: Kuvimba miguu, uchovu mkubwa, na kushindwa kupumua vizuri ukilala.
• Kiharusi (Stroke): Uso kwenda upande mmojaau mdomo, miguu au mikono kupooza, shida ya kuongea.
• Matatizo ya Macho: Kupungua kwa uwezo wa kuona au upofu kabisa.
• Matatizo ya Figo: Hii mara nyingi haionyeshi dalili hadi iwe mbaya sana.
• Matatizo ya Nguvu za Kiume: Kupungua kwa ufanisi na kusimama kwa uume.

Fahamu unavyoweza kutambua kama una Presha? Fahamu zaidi

Kama unafahamu presha yako unaweza kuidhibiti. Pata kipimo bora kwa Offer

Nahitaji Kipimo Sasa

Ushauri Muhimu Kuhusu Dalili za Presha

Nina mambo mawili ya kukwambia leo kuhusu dalili za presha. 

1. USISUBIRI dalili – kama una miaka 30 au zaidi unapaswa kufahamu presha yako. Mfano yangu mimi Dr. Adinan huwa inakuwa 113/73mmHg. Wewe unajua yako?
2. Usipuuze dalili hizi – kwani zinafanana na hali kama vile uchovu au kusema umeamka vibaya au leo siku si nzuri. Hakikisha unajua presha yako kila wakati 
3. Ukigundua kama una presha mapema na ukachukua hatua stahiki mapema unaweza kuidhibiti na kuepuka madhara makubwa.

Fahamu unavyoweza kutambua kama una Presha? Fahamu zaidi